Tasodifdan haqiqatga
Totalitar tuzum sharoitida shakllangan qoliplardan voz kechish, qolaversa, ularni sindirib tashlash oson bo‘lmagandi o‘shanda. «Sohibqiron Amir Temur – millat iftixori» degan to‘xtamga ham osonlikcha kelinmagandi. Fikr inersiyasi tufayli bu haqiqatni xaspo‘shlash, hali tarixiy ma’lumotlar to‘la ommalashmagan sharoitda voqelikni butun bo‘y-basti bilan tasavvur qila olmaslik hollari ham bo‘lgani rost. Faqat mustaqillik adolatigina hamma ikkilanishlarga chek qo‘ydi va mavzuning butun ko‘lamini tasavvur qilish imkoni paydo bo‘ldi. Shunda qarashlarni tahrir qilish ham yuzaga keldi. Totalitar konsepsiyaga zid ravishda masalaga butun insoniyat manfaatlaridan kelib chiqib, bahr bergan hur qarashlar oshkor bo‘lgach, bu haqiqatni butun borlig‘i bilan yuzaga chiqarish milliy ziyolilarning vatanparvarlik vazifasiga aylandi.
